“300 ხმოსანი, რომელიც საქართველოს პრეზიდენტს აირჩევს, ხელისუფლების მოკავშირე 300 მგოსანი იქნება”

პარლამენტის ვიცე-სპიკერის ირმა ინაშვილის შეფასებით, 300 ხმოსანი რომელიც პრეზიდენტს აირჩევს ხელისუფლების 300 მგოსანს უდრის.
“300 ხმოსანი, რომელიც საქართველოს პრეზიდენტს აირჩევს, პრაქტიკულად ხელისუფლების მოკავშირე 300 მგოსანი იქნება, რომელიც აირჩევს იმას, ვინც ხელისუფლებას უნდა”- განაცხადა დეპუტატმა.

ოპოზიციის წევრმა ზუგდიდში საკონსტიტუციო ცვლილებების მიმდინარეობისას აღნიშნა, რომ ქვეყანა საპარლამენტო მოდელზე გადასვლა არავისთვის შეუთანხმებიათ.
”სად იყო ეს შეთანხმება? როდესაც მოდელი იცვლება, ეს პირველ რიგში, საზოგადოების სამსჯავროზე უნდა გამოვიდეს, უნდა თუ არა ქართველ ხალხს საპარლამენტო მოდელზე გადასვლა. უნდა მოვაწოდოთ ხალხს ინფორმაცია, რა რისკებია, რა პერსპექტივებია, რა მინუსები და პლუსებია. მე მაგალითად დაბალანსებული შერეული მოდელის მომხრე ვარ, რადგან ნედლი დემოკრატიის პირობებში რისკები ჩნდება”, – აღნიშნა ირმა ინაშვილმა.