საქართველოს დამოუკიდებლობის დღესთან დაკავშირებული საზეიმო ღონისძიების ფარგლებში, შინაგან საქმეთა სამინისტრომ მოქალაქეებს ფოთში, ცენტრალურ მოედანზე უმასპინძლა.
ღონისძიება, მთავრობის ადმინისტრაციის ორგანიზებით გაიმართა.
დამოუკიდებლობის დღისადმი მიძღვნილი საზეიმო ღონისძიება ფოთის ცენტრალურ მოედანზე 12:00 საათზე დაიწყო და მთელი დღის განმავლობაში გაგრძელდა. შინაგან საქმეთა სამინისტროს სხვადასხვა დანაყოფის მიერ, წარმოდგენილი იყო საინფორმაციო და საგამოფენო სტენდები.
საგანგებო სიტუაციების მართვის სამსახურმა, ბავშვებისთვის საცოცი კედელი დაამონტაჟა და ადგილზე მოსულ პატარებს, სამახსოვრო საჩუქრებიც გადასცა. ასევე, სტუმრებისთვის მოეწყო სახანძრო-სამაშველო ავტოტექნიკის და აღჭურვილობის გამოფენა. ღონისძიებაში მონაწილეობდა მაშველი ძაღლიც.
ღონისძიება, საღამოს კონცერტით დასრულდა.
