საქართველო მსოფლიოში ერთ-ერთი უსაფრთხო ქვეყანაა. ამის თქმის საფუძველს მაძლევს ის საფრთხეები, რაც არსებობს დღეს მსოფლიოში ტერორიზმთან დაკავშირებით. – ამის შესახებ ჟურნალისტებს თავდაცვის მინისტრმა ლევან იზორიამ განუცხადა, რომელმაც NDI-ის მიერ ჩატარებულ კვლევაზე კომენტარი გააკეთა.
”წელს ჩვენ გაცილებით მეტ ტურისტს ველოდებით. ეს ყველაფერი გამომდინარეობს იქედან, რომ როგორც ამ ქვეყნის მოქალაქე, ისე ჩვენი სტუმრები, თავს გრძნობენ უფრო უსაფრთხოდ, ვიდრე სხვა ქვეყნებში”, – განაცხადა ლევან იზორიამ.
“ეროვნულ-დემოკრატიული ინსტიტუტის” მიერ ჩატარებული კვლევის თანახმად, გამოკითხულთა 52% ეთანხმება მოსაზრებას, რომ ეროვნული უსაფრთხოების თვალსაზრისით საქართველო დაცული ქვეყანაა.
კომენტარები