ჩვენ მივესალმებით სებ-ის მიერ გადადგმულ ნაბიჯებს საქართველოს ეროვნული ბანკის საბჭოს ვაკანტური პოზიციების შევსებისა და პრეზიდენტის დანიშვნის მიმართულებით, -განაცხადა საქართველოში საერთაშორისო სავალუტო ფონდის მისიის ხელმძღვანელმა ალეხანდრო ჰაჟდენბერგმა სებ-ში დღეს გამართულ ბრიფინგზე.
ერთობლივი ბრიფინგი, რომელშიც სებ-ის პრეზიდენტი ნათია თურნავა, ფინანსთა მინისტრი ლაშა ხუციშვილი და სსფ-ის მისიის ხელმძღვანელი ალეხანდრო ჰაჟდენბერგი მონაწილეობდნენ, საქართველოში სსფ-ის მისიის დასრულებასთან დაკავშირებით გაიმართა.
მისივე თქმით, ეროვნული ბანკი ახლა უნდა ფოკუსირდეს საქართველოს ეროვნული ბანკის შესახებ ორგანული კანონის ცვლილებაზე და ამ მხრივ, სავალუტო ფონდის მისიამ გასცა შესაბამისი რეკომენდაციები.
2025 წლის 21 მაისიდან 4 ივნისამდე საერთაშორისო სავალუტო ფონდის მისიამ, ალეხანდრო ჰაჟდენბერგის ხელმძღვანელობით, საქართველოსთან 2025 წლის IV მუხლით გათვალისწინებული კონსულტაციები გამართა.