საქართველოს ფინანსთა სამინისტრო მჭიდროდ თანამშრომლობს უნგრელ კოლეგებთან, როგორც ფისკალური, ისე საგადასახადო მიმართულებით – განაცხადა ფინანსთა მინისტრმა, ლაშა ხუციშვილმა უნგრელ კოლეგასთან გამართული შეხვედრის შემდეგ, რომელიც საქართველოსა და უნგრეთის მთავრობათაშორისი სამიტის ფარგლებში შედგა. ფინანსთა მინისტრის თქმით, უნგრულ მხარესთან გაფორმებული მემორანდუმის ფარგლებში თანამშრომლობა მოიცავს სხვადასხვა მიმართულებას, მათ შორისაა ვალის მართვის სტრატეგია, ფისკალური და მაკროეკონომიკური პოლიტიკა, საბაჟო და საგადასახადო საკითხები.
„საქართველოს ფინანსთა სამინისტრო უნგრელ კოლეგებთან, ასევე, აქტიურად თანამშრომლობს ინფორმაციისა და ცოდნის გაზიარების მიმართულებითაც. ჩვენ შევთანხმდით, რომ ამ კუთხით პარტნიორობა მომავალშიც აქტიურად გაგრძელდება“, – აღნიშნა ფინანსთა მინისტრმა, ლაშა ხუციშვილმა.