საპარლამენტო უმრავლესობის წევრმა გია ვოლსკიმ რუსთავში, საკონსტიტუციო პროექტის საყოველთაო-სახალხო განხილვაზე ისაუბრა გადაუნაწილებელი მანდატების პირველ ადგილზე გასული პარტიისთვის მიკუთვნებაზე:
„რეალობასაც გადავხედოთ. უამრავი პარტიაა, რომელთანაც არ არსებობს, რომ პირველ ადგილზე გასულმა პარტიამ ბლოკი შექმნას. მე გარანტიას გაძლევთ, რომ ჩვენ თუ გავედით პირველ ადგილზე, ვერც ერთ პარტიასთან ვერ ვხედავ პერსპექტივას, რომ შევქმნათ ისეთი ბლოკი, რომელიც მთავრობას ჩამოაყალიბებს, იმიტომ, რომ იქ წავა გარიგებები – რომელიმე მინისტრის პორტფელი მოგვეცით და მხარს დაგიჭერთ. სწორედ ეს გვაღელვებს და ვეძებთ საუკეთესო ფორმულას, რომ როგორმე შევძლოთ ისეთი უმრავლესობის შექმნა, რომელსაც საშუალება ექნება, დააკომპლექტოს მთავრობა“, – განაცხადა ვოლსკიმ.
კომენტარები