“ილია ჭავჭავაძის ქვეყანაში ახალგაზრდა კომუნისტების ადგილი არ არის”

საქართველოს პარლამენტის თავმჯდომარე ირაკლი კობახიძე  აუდიტორია #115-ის წევრებს მიმართავს და მათ ,,ახალგაზრდა კომუნისტებს” უწოდებს. 

ირაკლი კობახიძემ აქციის მონაწილეებს სიმშვიდისკენ, სწავლისა და ილიას გზაზე სიარულისკენ მოუწოდა.

,,სამწუხაროა, რომ რამდენიმე ათეული ახალგაზრდა კომუნისტი არ აძლევს 2500 კაცს იმის საშუალებას, რომ განიხილოს საქართველოს კონსტიტუცია. თქვენ აირჩიეთ არასწორი ნიშა, ილია ჭავჭავაძის ქვეყანაში ახალგაზრდა კომუნისტების ადგილი არ არის. მე მინდა მოგიწოდოთ დაადგეთ იმ გზას, რა გზასაც დაადგა ილია ჭავჭავაძე.  მოგიწოდებთ, იაროთ ცოდნის გზით, სწავლის გზით, ილია ჭავჭავაძის გზით. ახალგაზრდა კომუნისტების ადგილი საქართველოში არ იქნება. კომუნიზმი საქართველოში დამთავრდა”, – განაცხადა ირაკლი კობახიძემ.