გიორგი კვირიკაშვილმა ჩინეთსა და საქართველოს შორის თავისუფალი ვაჭრობსი შესახებ ხელშეკრულებას ქვეყნისთვის ახალი შესაძლებლობა უწოდა.
ამის შესახებ პრემიერმა მთავრობის სხდომაზე განაცხადა. მისი თქმითმ, “ეს არის ძალიან მნიშვნელოვანი დოკუმენტი, რომელიც საინტერესო შესაძლებლობებს ქმნის საქართველოში ინვესტიციების მოსაზიდად”.
“ჩვენ გვაქვს თავისუფალი სავაჭრო შეთანხმებები ჩვენს მეზობელ ქვეყნებთან. გვაქვს თავისუფალი სავაჭრო შეთანხმება სტრატეგიულად მნიშვნელოვან ევროკავშირთან, რომელიც საქართველოს ძალიან ჩინეთიდან ინვესტიციებისთვის საინტერესო ქვეყანად ხდის. ამიტომ, ვთვლით, ჩინეთთან თავისუფალი სავაჭრო შეთანხმების ხელმოწერა იქნება ახალი ადგილების შესაქმნელად, ახლი ინვესტიციების მოსაზიდად, ექსპორტზე ორიენტირებული წარმოებების გასავითარებლად, რაც საქართველოსთვის არის ძირითადი სრტრატეგიული მიმართულება. ეს არის მნიშვნელოვანი ახალი კარი, რომელიც გაიღო საქართველოს საექსპორტო პოტენციალის და ექსპორტზე ორიენტირებუიოი წარმოების განვითარების მიმართულებით. საქართველო თანდათან იბრუნებს იმ გეოსტრატეგიულ ფუნქციას, რომელიც მას ისტორიულად გააჩნდა. ჩვენ ვართ ქვეყანა, რომელიც აუცილებლად უნდა იყოს ღია ასეთი ტიპის ეკონომიკური ურთიერთობისთვის. ვფიქრობთ, ეს არის მნიშვნელოვანი წინ გადადგმული ნაბიჯი. მინდა, ყველას გადავუხადო მადლობა, ვინც მის მომზადებაში მიიღო მონაწილეობა”,-განაცხადა გიორგი კვირიკაშვილმა.