გიორგი კვირიკაშვილი ამერიკაში ვიზიტს მნიშვნელოვნად აფასებს. ამის შესახებ პრემიერმა მთავრობის სხდომაზე განაცხადა.
პრემიერის თქმით, ვიზიტს დროს ძალაინ მნიშვნელოვანი საკითხების განხილვა მოხდა.
“შედგა შეხვედრები ახალი ადმინისტრაციის უმაღლეს დონეზე. ძალიან მნიშვნელოვანი საკითხების განხილვა მოხდა და ჩვენ მივიღეთ ძალიან მკაფიო გზავნილები საქართველოს ტერიტორიული მთლიანობის, სუვერენიტეტის მხარდაჭერის თაობაზე, ასევე სტრატეგიული მიმართულებებით თანამშრომლობის გაღრმავებაზე, რაც ჩვენთვის არის უმნიშვნელოვანესი. ვფიქრობთ, ძალიან ნაყოფიერი ვიზიტი იყო. მინდა მადლობა გადავუხადო საგარეო საქმეთა სამინისტროს, მინისტრს და ძალიან დიდი სამუშაო გასწია ჩვენმა ელჩმა აშშ-ში საერთოდ ამ ბოლო რამდენიმე თვის განმავლობაში. მინდა გადავუხადო მას დიდი მადლობა და საელჩოს მთლიანობაში იმიტომ, რომ ვიზიტი იყო ძალიან კარგად მომზადებული არა მხოლოდ ეს ვიზიტი, რამდენიმე მნიშვნელოვანი ვიზიტი, რომელიც მას წინ უძღოდა”,-განაცხზადა გიორგი კვირიკაშვილმა.
პრემიერი ამერიკაში 3 დღიანი ოფიციალური ვიზიტით იმყოფებოდა.