მთაწმინდის რაიონის გამგეობის თანამშრომლებზე 15 თვეში, 2016 წლის 1 იანვრიდან 2017 წლის მარტის ჩათვლით 2 232 248.22 ლარის ოდენობის ხელფასები, პრემიები და დანამატები გაიცა.
ამის შესახებ „აიპრესს“ თბილისის მერიიდან მოთხოვნილი საჯარო ინფორმაციის პასუხად აცნობეს.
მოწოდებული ინფორმაციის თანახმად, 2016 წელს მთაწმინდის გამგეობაში, თანამშრომლების ანაზღაურებაზე გაცემულია 1 822 024. 72 ლარი. საიდანაც 1 706 031.54 ლარი შტატიან თანამშრომლებზეა გაცემული, ხოლო დარჩენილი 115 993.18 ლარი უშტატო თანამშრომლებზე.
უფრო კონკრეტულად კი, შტატიან თანამშრომლებზე 2016 წელს ხელფასის სახით გაიცა 1 249 263.38 ლარი, დანამატებზე 139 822.91 ლარი, საახალწლო პრემიებზე 97 800 ლარი, კვარტალურ პრემიებზე 112 845.25 ლარი, ხოლო სადღესასწაულო პრემიებზე 204 100 ლარი.
შტატგარეშე თანამშრომლებს რაც შეეხება მათზე 2016 წელს ხელფასებზე გაიცა 95 993.18 ლარი, საახალწლო პრემიებზე 7 500 ლარი, კვარტალურ პრემიებზე 3 750 ლარი, ხოლო სადღესასწაულო პრემიებზე 16 250 ლარი. რაც შეეხება დანამატებს, დანამატები შტაგარეშე თანამშრომლებზე არ გაიცემა.
2017 წლის მოცემულ სამ თვეში სულ 410 223. 50 ლარის ანაზღაურება გაიცა. შტატიან თანამშრომლებზე 292 545.26 ლარის ოდენობის ხელფასები გაიცა, დანამატებმა 33 179.05 ლარი შეადგინა, ხოლო პრემიამ 62 773 ლარი.
უშტატო თანამშრომლებზე მოცემულ სამ თვეში გაცემულია 21 726.19 ლარის ოდენობის ხელფასი, მათზე აღნიშნულ პერიოდში პრემიები არ გაცემულა. დანამატები კი შტატგარეშე თანამშრომლებზე არ გაიცემა.
www.ipress.ge