8 სოფელი იყო გაზის გარეშე დარჩენილი და „ქართულმა ოცნებამ“ შეძლო ის, რომ დაიხარჯა 12 მილიონი და დღეს მუნიციპალიტეტი 100 პროცენტით არის გაზიფიცირებული – განაცხადა „ქართული ოცნების“ დედოფლისწყაროს მერობის კანდიდატმა ნიკოლოზ ჯანიაშვილმა.
ნიკოლოზ ჯანიაშვილი გეგმავს, რომ სამომავლოდ რაც შეიძლება მეტი მწვანე ტექნოლოგიები დანერგონ და მეტი სპორტული ობიექტები შემატონ დედოფლისწყაროს.
ჯანიაშვილი აცხადებს, რომ მათ გამარჯვებას ალტერნატივა არ აქვს, რადგან „ქართული ოცნების“ მთავარი ღირსება მოქალაქეებზე ზრუნვაა.
„8 სოფელი იყო გაზის გარეშე დარჩენილი და „ქართულმა ოცნებამ“ შეძლო ის, რომ დაიხარჯა 12 მილიონი და დღეს მუნიციპალიტეტი 100 პროცენტით არის გაზიფიცირებული. არათუ თბილისთან დამაკავშირებელი გზა, არამედ ყველა სოფელთან დამაკავშირებელი ახალი, თანამედროვე, ევროპული სტანდარტის გზა გვაქვს. ქალაქ დედოფლისწყაროში, სოფელ სამრეკლოში, ხორნაბუჯში და ჭოეთში, მუნიციპალური ავტობუსები გადის, რომელმაც საერთოდ სხვა ელფერი შესძინა ჩვენს ქალაქს.
ჩვენს გამარჯვებას ალტერნატივა არ აქვს იმიტომ, რომ „ქართული ოცნების“ მთავარი ღირსება არის, ზრუნვა მოქალაქეზე“.-განაცხადა ნიკოლოზ ჯანიაშვილმა.