„ქართული ოცნების“ ზუგდიდის მერობის კანდიდატი დათო კოდუა მოქალაქეებთან შეხვედრებს ე.წ. კარდაკარის პრინციპით განაგრძობს. მერობის კანდიდატი მოქალაქეებს გეგმებსა და განახლებული ზუგდიდის განვითარების ხედვას აცნობს. მისი განმარტებით მუნიციპალიტეტი განახლებას მრავალი მიმართულებით იგრძნობს, რის განხორციელებასაც დათო კოდუა გუნდთან ერთად კონკრეტულად გაწერილი სტრატეგიის მიხედვით აპირებს.
„ვხვდებით მოქალაქეებს სხვადასხვა ფორმატში. ეს არის ინდივიდუალური შეხვედრები, საუბნო შეხვედრები, რაც გვაძლევს საშუალებას უფრო სიღრმისეულად გავეცნოთ მათ პრობლემებს, საჭიროებებსა და გამოწვევებს. მიხარია, რომ ზუგდიდელები არიან ადამიანები, რომლებიც კარგად ხვდებიან თუ ვინ ვინ არის ქვეყანაში განვითარების და მშვიდობის გარანტი. მე ვაძლევ მათ პირობას, რომ ჩვენი ქალაქი იქნება უფრო ლამაზი, უფრო კეთილმოწყობილი“, – განაცხადა კოდუამ.