“ქართველ ხალხს რომ ჰკითხოთ, მისაღებია თუ არა ბონუსების სისტემა, მჯერა, პასუხი იქნება – არა”

ქართველ ხალხს, რომ ჰკითხოთ, ეს ბონუსების სისტემა მისაღებია თქვენთვის? მე მჯერა, პასუხი იქნება – არა, – ამის შესახებ საქართველოს პრეზიდენტმა გიორგი მარგველაშვილმა პროფკავშირების წარმომადგენლებთან შეხვედრაზე განაცხადა. გიორგი მარგველაშვილი ”კონსტიტუცია ყველასია” კამპანიის ფარგლებში, პროფკავშირების წარმომადგენლებს ხვდება.
”კითხვა იმის თაობაზე, უნდა იყოს თუ არა საპარლამენტო არჩევნებში ყველა მიღებული მანდატი აღებული და წაღებული ერთი პოლიტიკური ჯგუფის მიერ, მარტივად გეტყვით, არ მჯერა, რომ ჩვენს ყოველდღიურ აზროვნებაში მისაღები იქნებოდა რაღაც რაც გაიყო და დარჩა, არ გავყოთ ერთმანეთს შორის და ერთმა ადამიანმა წაიღოს ეს ყველაფერი. არ მჯერა ამის. ქართველი ხალხს ვკითხოთ, ეს ბონუსების სისტემა რაც არის, მისაღებია თქვენთვის? მჯერა, პასუხი იქნება – არა”, – განაცხადა პრეზიდენტმა.