უფროს და უმცროს სოროსებს საკუთარი ქვეყანა მიხედავს, ხოლო ქართველ სოროსისტებს და მათი სექტის მიმდევრებს ქართულმა მართლმსაჯულებამ უნდა გასცეს პასუხი!“, – ამის შესახებ სოციალურ ქსელში „ხალხის ძალის“ წევრი ზურაბ ქადაგიძე წერს, რითაც აშშ-ის პრეზიდენტის, დონალდ ტრამპის პოსტს ეხმაურება, რომელმაც თავის სოციალურ ქსელში დაწერა, რომ ჯორჯ სოროსს და მის ვაჟიშვილს აშშ-ის ტერიტორიაზე ძალადობრივი პროტესტების მხარდაჭერის გამო ბრალდება უნდა წარუდგინონ.
ზურაბ ქადაგიძის თქმით, დროა ქართული ცნობიერებიდან განიდევნოს ყველა მახინჯი, ნეოლიბერალური შეხედულება თუ ამორალური იდეოლოგია, რაც ე.წ. ვარდების რევოლუციამ “შავი ჭირივით” მოუტანა საქართველოს.
„დროა სოროსის სექტები – მის მიერ პირდაპირ თუ ირიბად დაფინანსებული ექსტრემისტი ორგანიზაციები, გაქრეს ქართული საზოგადოებიდან და ქართული ცნობიერებიდან განიდევნოს ყველა მახინჯი, ნეოლიბერალური შეხედულება თუ ამორალური იდეოლოგია, რაც ე.წ. ვარდების რევოლუციამ “შავი ჭირივით” მოუტანა საქართველოს!“, – წერს ზურაბ ქადაგიძე.