ყაზბეგობა 2025 – ყაზბეგში სახალხო დღესასწაულს ზეიმობენ. სტეფანწმინდის სპორტულ მოედანზე, საფესტივალო სივრცის მოსაწყობად, ტექნიკურ-მოსამზადებელი სამუშაოები მიმდინარეობს. ღონისძიება 13:00 საათზე დაიწყება და დღის ბოლომდე სხვადასხვა სახის აქტივობა გაიმართება.
დაგეგმილია მცხეთა-მთიანეთის რეგიონისათვის დამახასიათებელი ხელნაკეთი და გასტრონომიული პროდუქტის გამოფენა-გაყიდვა, საბავშვო, გასართობი და შემეცნებითი სივრცეების მოწყობა. კონცერტში მონაწილეობას სიმღერისა და ცეკვის ადგილობრივი ანსამბლები, სახალხო მთქმელები და პოეტები მიიღებენ.
დაჯილდოვდებიან მაღალი სოციალური პასუხისმგებლობის მქონე ბიზნესის წარმომადგენლები. ღონისძიება გალა-კონცერტითა და ფეიერვერკით დასრულდება.
კომენტარები