„ქართული ოცნების“ ბორჯომის მერობის კანდიდატი მამუკა გელაშვილი სოფელ დვირის და ქვაბისხევის მცხოვრებლებს შეხვდა

წინასაარჩევნო კამპანიის ფარგლებში, შეხვედრა გავმართე სოფელ დვირის და ქვაბისხევის მცხოვრებლებთან. მოსახლეობას ჩემი და ჩემი გუნდის სამომავლოდ დაგეგმილი პროექტები გავაცანი, – წერს „ქართული ოცნების“ ბორჯომის მერობის კანდიდატი მამუკა გელაშვილი სოციალურ ქსელში.

„ჩვენ მოსახლეობის აქტიური ჩართულობით უნდა შევძლოთ ბორჯომი ვაქციოთ კიდევ უფრო მეტად განვითარებულ და წარმატებულ მუნიციპალიტეტად.

დღეს შეხვედრაზე პარტია „ქართული ოცნება-დემოკრატიული საქართველოს“ ბორჯომის შტაბის ხელმძღვანელთან, გიორგი ფერაძესთან და სოფელ დვირის ადმინისტრაციულ ერთეულში საკრებულოს მაჟორიტარი დეპუტატობის კანდიდატთან, ელზა კუჭუხიძესთან ერთად, ვისაუბრეთ სოფლის საჭიროებებზე.

შეხვედრაზე აღვნიშნე, რომ მათი იდეები და საჭიროებები პროგრამებისა და პროექტების დაგეგმვის დროს მაქსიმალურად იქნება გათვალისწინებული.
ასევე, ამომრჩეველთან ვისაუბრე იმ მნიშვნელოვანი პროექტების შესახებ, რაც პარტია „ქართული ოცნების“ მმართველობის პერიოდში განხორციელდა. სოფლებში მოწესრიგდა საგზაო ინფრასტრუქტურა, გაიხსნა ახალი საჯარო სკოლა, საბავშვო ბაღი და სხვა.

მშვიდობა საქართველოს და მეტი განვითარება ბორჯომს!“, – წერს გელაშვილი.