ბორჯომის მერობის კანდიდატი მამუკა გელაშვილი წინასაარჩევნო კამპანიის ფარგლებში მოსახლეობასთან აქტიურ შეხვედრებს აგრძელებს. ის მაღალმთიანი სოფლების მოსახლეობას შეხვდა და მათ საჭიროებებზე ესაუბრა.
„მოქალაქეებთან აქტიური შეხვედრების პროცესი გრძელდება. დღესაც, მაღალმთიანი სოფლების – ტაბაწყურის, მოლითის, ჭიხარულას და ბალანთის მცხოვრებლებთან ვისაუბრეთ მომავალ გეგმებზე, მოქალაქეებისგან მოვისმინეთ საჭიროებები და მათი იდეები.
დღესვე, ადგილობრივებს წარვუდგინე ტაბაწყურის და ბალანთის ადმინისტრაციულ ერთეულში საკრებულოს მაჟორიტარი დეპუტატობის კანდიდატები ანდრუში ირიციანი და არაიკ ანტონიანი.
„ქართული ოცნების“ ხელისუფლებაში მოსვლის შემდეგ, მაღალმთიან სოფლებში ბევრი კარგი პროექტი განხორციელდა, ამას მოქალაქეები თავადვე აღნიშნავენ. რებილიტირდა 14 კმ გზის მონაკვეთი, მოეწყო სკვერები და სპორტული მოედნები, განახლდა რიტუალების დარბაზი და სხვა.
დღეს ბორჯომი არის მუნიციპალიტეტი უკეთესი ჯანდაცვითა და სოციალური პროგრამებით, განათლების ახალი სასწავლო სივრცეებით, მოწესრიგებული ინფრასტრუქტურით.“-წერს გელაშვილი.