შესაძლებელია ეს ადამიანი ა პუნქტიდან წასულიყო და ჩასულიყო ბე პუნქტში, ამას რატომღაც არავინ უშვებს, – ამის შესახებ ვიცე-პრემიერმა, განათლებისა და მეცნიერების მინისტრმა ალექსანდრე ჯეჯელავამ აზერბაიჯანელი ჟურნალისტის საქმის შეფასებისას განაცხადა.
რაც შეეხება კითხვას, შეეძლო თუ არა ფგან მუხტარლის პასპორტის გარეშე საზღვრის გადაკვეთა, მინისტრი პასუხობს:
„მათ შორის, პასპორტის გარეშეც. თუ უკანონოდ აპირებდა საზღვრის გადაკვეთას, ასეც იზამდა“.
როგორც ალექსანდრე ჯეჯელავა ამბობს, მას შეკითხვები უჩნდება აღნიშნული საკითხის მიმართ ოპოზიციის დამოკიდებულებაზე, კერძოდ, როდესაც საქმე ეხება ეროვნული უსაფრთხოების საკითხს, რატომ ცდილობს ოპოზიცია ეს თემა ქვეყნის საწინააღმდეგოდ გაამწვავოს.
„ოპოზიცია უსაფუძვლო ბრალდებებით შემოდის. მთავარი შეკითხვა არის ის, თუ რატომ არის ფაქტად მიღებული დაშვება, რომ ეს ადამიანი გაუჩინარდა“, – განაცხადა ჯეჯელავამ და აღნიშნა, რომ გამოძიება დაადგენს, რა მოხდა რეალურად.