“ე.წ. გადაუნაწილებელ მანდატებთან“ დაკავშირებით “ზედა ჭერის“ განსაზღვრის საკითხი განიხილება”

პარლამენტის თავმჯდომარე ირაკლი კობახიძემ დღეს გამართულ პრესკონფერენციაზე ე.წ. გადაუნაწილებელ მანდატებთან დაკავშირებით განაცხადა, რომ “ზედა ჭერის“ განსაზღვრის საკითხი განიხილება.
“ჩვენი მოლოდინია, რომ ე.წ. ბონუსთან დაკავშირებით ვენეციის კომისიისგან ნეგატიური შეფასება არ იქნება. კომისიის სხდომაზეც არასამთავრობო ორგანიზაციებთან დააყენეს ბონუსის ალტერნატიული ვარიანტი, სამართლებრივი თვალსაზრისით არც შიგნით და არც გარეთ “ბონუსი“ ნეგატიურად არ ფასდება. ჩვენი მოლოდინია, რომ ბონუსთან დაკავშირებით ნეგატიური შეფასება არ იქნება, არამედ, იქნება გარკვეული რეკომენდაცია მეტი განსაზღვრულობის თაობაზე, “ბონუსის“ უფრო ცხადად ფორმულირების შესახებ. რა თქმა უნდა, განიხილება “ზედა ჭერის“ საკითხი. ამასთან დაკავშირებით ჩვენ საუბარი გვქონდა საყოველთაო სახალხო განხილვის მიმდინარეობის დროსაც. შეიძლება დაწესდეს ზედა ზღვრები. ეს შეიძლება იყოს აბსოლუტური ზედა ზღვარი, შეიძლება იყოს ფარდობითი ზედა ზღვარი ან ორივე ერთად. ასეთ შემთხვევაში, აბსოლუტურად ცხადი გახდება ბონუსის მოცულობა და მყარად იქნება დაცული თანასწორობის პრინციპი“, – განაცხადა კობახიძემ.