“კახა კალაძე არის ჩემი მეგობარი და თუ მერის თანამდებობაზე მისი კანდიდატურა დადგება, მას ექნება ჩემი სრული მხარდაჭერა”, – ამის შესახებ ჟურნალისტებს თბილისის მერმა, დავით ნარმანიამ თბილისის მერის კანდიდატურასთან დაკავშირებით განუცხადა. მისი თქმით, საკითხზე კონსულტაციები მიმდინარეობს. ნარმანია აცხადებს, რომ კონსულტაციებში თავადაც არის ჩართული.
”როგორც თქვენთვის ცნობილია, მიმდინარეობს კონსულტაციები. როგორც კი დასრულდება, შედეგები თქვენთვის ცნობილი იქნება. წინასწარი განცხადებებისგან და შეფასებისგან უმჯობესია, თავი შევიკავოთ. ძალიან საინტერესო და მნიშვნელოვან გადაწყვეტილებებს ველოდებით, მათ შორის, ჩემთან დაკავშირებით”, – განაცხადა დავით ნარმანიამ.
კომენტარები