კონგოში დატყვევებული ქართველი მფრინავის სოსო ოსორაულის ძმა და ოჯახის რამდენიმე წევრი საგარეო საქმეთა სამინისტროში შეიყვანეს. მათ მინისტრის მოადგილე ზვიად გონაძე შეხვდება და სავარაუდოდ ქართველი ჯარისკაცის შესახებ უწყებისთვის ცნობილ უახლეს ინფორმაციას მიაწვდის.
სოსო ოსორაულის ოჯახის წევრები და ახლობლები სამინისტროსთან აქციას დილიდან მართავენ.
კონგოში სოსო ოსორაულის ტყვედ ჩავარდნის შესახებ ინფორმაცია 22 თებერვალს სამხედრო ბლოგერმა და უფლებადამცველმა Facebook-ზე გაავრცელა. დავით ნემსაძემ მთავრობას ქართველი მფრინავის ტყვეობიდან დახსნისკენ მოუწოდა.
სოსო ოსურაული წლების განმავლობაში ქართულ ჯარში მსახურობდა. თავდაცვის სამინისტროს ინფორმაციით, ის შეიარაღებული ძალებიდან 2015 წელს, საკუთარი განცხადების საფუძველზე წავიდა.
24 მაისს საგარეო საქმეთა მინისტრის მოადგილის განცხადებით, კონგოში მომხდარი შეტაკებების დროს ოსურაული, სავარაუდოდ, დაიღუპა, თუმცა მოგვიანებით, ბრიგადის გენერალმა, ამირან სალუქვაძემ განაცხადა, რომ ქართველი მფრინავის შესახებ სხვა იქ მყოფი სამხედროებისგან მიიღო ინფორმაცია და ირწმუნება, რომ ის ცოცხალია.