როცა პრეზიდენტი თავისი მოხელის პირით, ასეთი ფორმით საუბრობს, კონსტიტუციის გარშემო კონსესუსის მიღწევა ძალიან რთულია, – ამის შესახებ დღვანდელ რიგგარეშე სხდომაზე, საკონსტიტუციო ცვლილებების განხილვისას, პარლამენტის თავმჯდომარემ, ირაკლი კობახიძემ განაცხადა.
„რუსთავი 2“-ში გამოსვლა მქონდა და საკონსტიტუციო ცვლილებებთან დაკავშირებით, დისკუსია გაიმართა. პრეზიდენტის ადმინისტრაციის ერთ-ერთი მოხელე და ასევე ხუთი პოლიტიკური პარტიის წარმომადგენლები გამოდიოდნენ. ბატონ ოთარ კახიძის გამოსვლა მწვავე ოპონირების რეჟიმში მიმდინარეობდა და ჩარჩოებში იყო, რაც პოლიტიკური ეთიკისთვის დამახასიათებელი უნდა იყოს. ამ დისკუსიის დროს, რამდენიმე ათეული მარტო ტყუილი დავთვალე. საუბარია იმ ადამიანებზე, ვინც თქვენს გვერდით ისხდნენ. საუბარია, პრეზიდენტის ადმინისტრაციის მოხელეზე, რომელიც პრეზიდენტის სახელით საუბრობდა. ისეთ პირობებში, როცა პოლიტიკური პარტიების წარმომადგენლები ელემენტარულ ტყუილებს ამბობენ და პრეზიდენტი თავისი მოხელის პირით, ასეთი ფორმით საუბრობს, კონსტიტუციის გარშემო კონსესუსის მიღწევა ძალიან რთულია. ეს სამწუხარო რეალობაა, რაც ჩამოყალიბებულია ჩვენს პოლიტიკურ სპექტრში“, – მიმართა კობახიძემ ოპოზიციონერ დეპუტატს, ოთარ კახიძეს.