ალიონა ჩხოტუა ახალგაზრდულ მრჩეველთა საბჭოს წევრებს შეხვდა

აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრი ალიონა ჩხოტუა, ახალგაზრდულ მრჩეველთა საბჭოს წევრებს შეხვდა და კონკურსში გამარჯვება პირადად მიულოცა.
ახალგაზრდული მრჩეველთა საბჭო სამინისტროს ახლადშექმნილი სათათბირო ორგანოა, რომლის მიზანიც სამშვიდობო პოლიტიკის განხორციელებისა და სამოქალაქო ინტეგრაციის ხელშეწყობის პროცესში ახალგაზრდების ჩართულობაა.
ახალგაზრდული მრჩეველთა საბჭო 1 წლის განმავლობაში განახორციელებს ისეთ აქტივობებს, როგორებიცაა დევნილთა კომპაქტურ ჩასახლებებში მცხოვრებ ახალგაზრდებთან შეხვედრების ორგანიზება, მათი საჭიროებების იდენტიფიცირება და შესაბამისი ინიციატივების წარდგენით, სამინისტროს მიერ განსახორციელებელ პროექტებში მონაწილეობის მიღება.
საბჭო ასევე ითანამშრომლებს სამშვიდობო პოლიტიკისა და კონფლიქტის მოგვარების მიმართულებით მომუშავე ადგილობრივ და საერთაშორისო როგორც სამთავრობო, ისე არასამთავრობო ორგანიზაციებთან.
ახალგაზრდული საბჭოს წევრებთან შეხვედრას მინისტრის პირველი მოადგილე ბორის გაბუნია, მინისტრის მოადგილე ელენე არდაზიშვილი, ასევე სამშვიდობო და სამოქალაქო ინტეგრაციის პოლიტიკის დეპარტამენტის უფროსი, მერაბ გურჩიანი ესწრებოდნენ.