ფაქტია, რომ ბაჩიაშვილმა აღიარა ბრალი და ზიანი სრულად აანაზღაურა, – განაცხადა პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ რატი იონათამიშვილმა.
მისივე თქმით, საზოგადოება ბოდიშის მოხდას ელოდება ყველა იმ პირისგან, ვინც ამ თემით სპეკულირებდა.
„ახლა ლოგიკურია, რომ ველოდებით ბოდიშის მოხდას ყველა იმ აქტორისგან, რომელიც პოლიტიკური სპეკულაციებისთვის იყენებდა ამ თემას და ათას სიბინძურეს სწამებდა ჩვენს ქვეყანას და კანონის უზენაესობას. ისინი ამ პასუხისმგებლობას ვერ გაექცევიან, შესაბამისად მათ მოუწევთ ბოდიშის მოხდა ქართული საზოგადოებისთვის ამ ცილისწამების და ფაქტობრივი ტყუილებისთვის“, – აღნიშნა რატი იონათამიშვილმა.
პროკურატურამ გიორგი ბაჩიაშვილთან საპროცესო შეთანხმება გააფორმა. როგორც „ქრონიკას“ პროკურატურაში განუცხადეს, მან სრულად აღიარა ჩადენილი დანაშაული სისხლის სამართლის ყველა საქმეზე, სრულად ითანამშრომლა გამოძიებასთან, აანაზღაურა ზიანი, რისთვისაც გაუფორმდა საპროცესო შეთანხმება პირობით მსჯავრსა და ჯარიმაზე.