გიორგი მამალაძის საქმეში პროკურატურის მთავარმა მოწმემ, ირაკლი მამალაძემ გადაცემა “პრიორიტეტის“ პირდაპირ ეთერში განაცხადა, რომ საქართველო დატოვა.
მისი თქმით, ქვეყნის დატოვება მას შემდეგ გადაწყვიტა, რაც “რუსთავი 2”-ის ეთერში მასთან დაკავშირებული სიუჟეტი გავიდა. იგი მიიჩნევს, რომ 24 ივნისს გასული სიუჟეტის მიზნად ისახავდა მასზე ზეგვალენის მოხდებნას, რომ ჩვენება შეეცვალა.
“წყობიდან გამომიყვანეს, დავტოვე ქვეყანა, ვარ სრულიად დემორალიზებული, იქედან გამომდინარე, რომ ვარ შეურაცხყოფილი უკიდურესად. ამ ყველაფრის გამო მოიგონეს ათასი სიბინძურე. როგორ შეიძლება ერთი მხრივ ვამხელდე და ვმუშაობდე ლგბტ პირებზე, და მეორე მხრივ თუ საპატრიარქოზეც ვმუშაობდი მე როგორც აგენტი და ჟურნალისტებზეც. გამაგებინეთ, 34 წლის მანძილზე ვინ მიმხელია?! ვის წინააღმდეგ მიმიცია ჩვენება?! რა გამიკეთებია ისეთი, რომ ასეთი თავდასხმის ობიექტი ვხდები მე დღეს?1”, – განაცხადა ირაკლი მამალაძემ გადაცემა პრიორიტეტის ეთერით.