თუ ბიძინა ივანიშვილი ჩაერთვება საარჩევნო კამპანიაში, ბუნებრივია, პოზიტივის მეტს არაფერს მოუტანს პარტიასა და მმართველ გუნდს, – ამის შესახებ „ქართული ოცნების“ პოლიტსაბჭოს სხდომის დასრულების შემდეგ ფრაქცია „ქართული ოცნების“ თავმჯდომარემ მამუკა მდინარაძემ განაცხადა.
”ბატონი ბიძინა ბუნებრივია, მოწვეული უნდა იყოს, თუმცა არ მაქვს ინფორმაცია დაესწრება თუ არა მერობის კანდიდატის წარდგენას. არ ვიცი ის ჩაერთვება თუ არა საარჩევნო კამპანიაში, მაგრამ თუ ბიძინა ივანიშვილი ჩაერთვება საარჩევნო კამპანიაში, ბუნებრივია, პოზიტივის მეტს არაფერს მოუტანს პარტიას და მმართველ გუნდს”, – აღნიშნა მამუკა მდინარაძემ.
მამუკა მდინარაძემ „ქართული ოცნების“ თბილისის მერობის კანდიდატის კახა კალაძის შესახებ ისაუბრა.
„კახა კალაძის კანდიდატურა არის უალტერნატივო თბილისის მერის პოსტზე. ღრმად ვარ დარწმუნებული, რომ როგორც ის იყო წარმატებული სპორტში, ენერგეტიკაში და ყველა სფეროში, სადაც კი ის იყო ზოგადად, ისეთივე წარმატებული იქნება თბილისის მერის თანამდებობაზე და თბილისი იქნება საერთოდ ახალი ბრენდი და თბილისს მოუტანს ძალიან დიდ წარმატებას, იმიტომ მას ამისი პოტენციალი გააჩნია”,- განაცხადა მამუკა მდინარაძემ.