გერმანიის კანცლერმა, ფრიდრიხ მერცმა გამორიცხა ქვეყნის ჩართულობა ირანის წინააღმდეგ მიმდინარე საომარ მოქმედებებში. მიუხედავად დონალდ ტრამპის მოწოდებებისა, მერცი აცხადებს, რომ გერმანიას ამის სამართლებრივი საფუძველი არ გააჩნია.
კანცლერმა ჟურნალისტებთან საუბრისას ხაზგასმით აღნიშნა, რომ სამხედრო ინტერვენცია ეწინააღმდეგება გერმანიის კონსტიტუციას შესაბამისი საერთაშორისო ლეგიტიმაციის გარეშე.
„ჩვენ არ გვაქვს გაერთიანებული ერების ორგანიზაციის, ევროკავშირის ან ნატოს ის მანდატი, რომელსაც ძირითადი კანონი მოითხოვს. შესაბამისად, თავიდანვე ნათელი იყო, რომ ეს ომი არ წარმოადგენს ნატოს ზრუნვის საგანს“, – აღნიშნა კანცლერმა.
„ამერიკის შეერთებულ შტატებსა და ისრაელს არც ამ ომის დაწყებამდე გაუვლიათ ჩვენთან კონსულტაციები. რაც შეეხება ირანს, საკითხის საჭიროებასთან დაკავშირებით ერთობლივი გადაწყვეტილება არასოდეს მიღებულა. სწორედ ამიტომ, საერთოდ არ დგას დღის წესრიგში საკითხი იმის შესახებ, თუ როგორ შეიძლება გერმანია აქ სამხედრო თვალსაზრისით ჩაერთოს“, – დასძინა მან.