აუტიზმის ცნობადობის ამაღლების მსოფლიო დღესთან დაკავშირებით, ზუგდიდის მუნიციპალიტეტის მერი დავით კოდუა, მოადგილე გიორგი ხვიჩიასთან და სოციალური და ჯანდაცვის სამსახურის წარმომადგენლებთან ერთად, დღის ცენტრებს ესტუმრა და ბენეფიციარებს სიმბოლური საჩუქრები გადასცა.
მერის განცხადებით, აუტიზმის სპექტრის დარღვევის მქონე ბავშვთა აბილიტაციის პროგრამა, რომელსაც მერია წლებია ახორციელებს არის მნიშვნელოვანი მხარდაჭერა იმ ოჯახებისთვის, ვინც ამ პროგრამაშია ჩართული. პროგრამა არის შედეგზე ორიენტირებული და ის მომავალ წლებშიც იქნება მხარდაჭერილი და უფრო გაძლიერებული.
ცნობისთვის, ზუგდიდის მუნიციპალიტეტის მერია აუტიზმის სპექტრის დარღვევის მქონე ბავშვთა აბილიტაციის პროგრამას 2016 წლიდან ახორციელებს.
მიმდინარე წელს საერთო ჯამში აღნიშნული პროგრამის დაფინანსებით 195 ბენეფიციარი ისარგებლებს.