საქართველოს ეროვნული უშიშროების საბჭოს მდივანი დავით რაქვიაშვილი არასამთავრობო ორგანიზაციების წარმომადგენლებს შეხვდება.
ეროვნული უშიშროების საბჭოს ცნობით, განხილვის მთავარი თემა ქვეყნის უსაფრთხოების მთავარი გამოწვევა – ე.წ. ბორდერიზაციის, მცოცავი ოკუპაციისა და საქართველოს ტერიტორიის დე ფაქტო ანექსიის პროცესი იქნება.
მათივე ინფორმაციით, უშიშროების საბჭოს მდივანი უსაფრთხოების სპეციალისტებთან და არასამთავრობო სექტორის წარმომადგენლებთან ერთად ქვეყნის ანტიანექსიური სტრატეგიის შემუშავებასთან დაკავშირებულ პრაქტიკულ საკითხებზე იმსჯელებს.
კომენტარები