“პატრიოტთა ალიანსის” წევრები საქმიანი ვიზიტით მოსკოვში გაემგზავრენ. როგორც პარტიის ლიდერი ირმა ინაშვილი “ინგა გრიგოლიას დღის ამბებში” განმარტავს, პარტიის წევრები მოსკოვში დუმის დეპუტატთან შესახვედრად გაემგზავრნენ. მისი თქმით, პარტიის ინტერესების სფეროა ცხინვალი, სოხუმი დევნილების დაბრუნების საკითხი და საზღვრის გადმოწევის პროცესის შეჩერება, რასაც “პატრიოტები” დღის წესრიგში დააყენებენ.
“ჩვენი ინტერესების სფერო არის ცხინვალი, სოხუმი დევნილების დაბრუნების საკითხი, ეს არის საზღვრის გადმოწევის პროცესის შეჩერება. ძალიან ბევრი თემაა, რასაც ჩვენ დავდებთ დღის წესრიგში და შემდეგ იქნება გადასარევი თუ რუსული მხარე იტყვის, რომ ეს შეხვედრები უნდა გაგრძელდეს.
დუმაში კალაშნიკოვია, კონკრეტული კომიტეტის თავმჯდომარეა, სწორედ კალაშნიკოვთან იქნება შეხვედრა ჩვენი ფრაქციის წევრების. მე არ ვიცი რა გამოდნება ამ შეხვედრიდან, არავინ არ იცის რა გამოვა, კარგი იქნება თუ დაფიქსირდება, რომ უნდა გაგრძელდეს დიალოგი”, – განაცხადა ინაშვილმა.