აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, ზუგდიდის მუნიციპალიტეტის მერთან დავით კოდუასთან ერთად, ზუგდიდში, სოფელ ოქტომბერში მდებარე დევნილთა დასახლებაში მცხოვრებ მოსახლეობას შეხვდა.
შეხვედრის ფარგლებში აფხაზეთიდან დევნილ მოქალაქეებს დაგეგმილი ინფრასტრუქტურული პროექტის შესახებ დეტალური ინფორმაცია მიეწოდათ.
პროექტის ფარგლებში დევნილთა დასახლებაში, მოეწყობა რეკრეაციული სივრცე, განახლდება საბავშვო გასართობი ზონები და სპორტული მოედანი. ასევე, განხორციელდება წყლისა და წყალარინების ქსელის რეაბილიტაცია, რის შემდეგაც ტერიტორიაზე ასფალტის საფარი დაიგება.
პროექტი ხორციელდება „საქართველოს რეგიონებში განსახორციელებელი პროექტების ფონდისა“ და ადგილობრივი თვითმმართველობის თანადაფინანსებით. პროექტის ჯამური ღირებულება 473 690 ლარს შეადგენს.