საქართველოს ყოფილმა პრეზიდენტმა გადაცემა “არჩევანი”-სთვის მიცემულ ინტერვიუში 2008 წლის აგვისტოს ომის მოვლენები გაიხსენა და განაცხადა, რომ ამერიკის პრეზიდენტ ჯორ ბუშთან ხმის აწევა მოუხდა, როდესაც ქვეყანაში რუსის ტანკები შემოდიოდნენ.
„ვაღიზიანებდი თავის დროზე პრეზიდენტ ბუშს. ხმას ავუწიე და ვუყვირე, როდესაც ტანკებით მოდიოდნენ რუსები, ჩემი სამშობლო იყო სასიკვდილო საფრთხის ქვეშ და გაჭრა ამან. ხანდახან ესაც არის საჭირო. საჭიროა, შეუტიო, შეახსენო, კარები აუტალახო ბოლომდე, თუ საჭიროა, ნამუსზე ააგდო. ზუსტად ასეთი დამოკიდებულება მქონდა სარკოზისთან. სარკოზი მრავალი საათი მარწმუნებდა, რომ ხელი მომეწერა საქართველოს კაპიტულაციაზე და მე ვუთხარი, რომ არა!“ – განაცხადა მიხეილ სააკაშვილმა.
კომენტარები