მიხეილ ჯანელიძე ვიცეპრემიერის თანამდებობაზე დაინიშნა. ამის შესახებ მთავრობის სხდომაზე საქართველოს პრემიერმინისტრმა გიორგი კვირიკაშვილმა განაცხადა. მიხეილ ჯანელიძემ ამ პოსტზე კახა კალაძე შეცვალა. “ძალიან მნიშვნელივანია, რომ ჩვენი საგარეო მიმართულება პრიორიტეტებში გამოიკვეთოს. ეს ყოველთვის იყო ასე და ამ დანიშვნით კიდევ ერთხელ გაესმება ხაზი საგარეო პრიორიტეტებს. საქათველოს მომავლის შენების საქმეში, ვფიქრობ, რომ მიხეილმა ძალიან წარმატებული ნაბიჯები გადადგა, ვიზალიბერალიაზაციაში საგარეო საქმეთა სამინისტროს ლომის წვლილი მიუძღვის. ის იყო ეკონომიკის მინისტრის მოადგილე და იყო მთავარი მომლაპარაკებელი ევროპასთან თავისუფალი სავაჭრო შეთანხმების გაფორმების პროცესში, ” განაცხადა გიორგი კვირიკაშვილმა.
პრემიერმინისტრმა დღეს ენერგეტიკის მინისტრის კახა კალაძის შემცვლელად მისი მოადგილე ილია ელოშვილი დაასახელა. გადაწყვეტილება დღეს მთავრობის სხდომაზე გახდა ცნობილი.