რომ ვხედავდეთ რა უნდა ევროკავშირის დღევანდელ მენეჯმენტს, რა გზით მიდის, რაღაცებში ასეთი ხისტი ჩვენც არ ვიქნებოდით. ჩვენ ვპასუხობთ ხომ?! ჩვენ ხომ არ ვართ აგრესიული ურთიერთობების ინიციატორები?! მაგრამ ასე ტყუილად, კლასის დამრიგებელივით ყურს გიწევდნენ უმიზეზოდ, წარამარა და თან თვითონ არ იცოდნენ, რას გასწავლიან… რაღაც სიგიჟეა, – განაცხადა გადაცემაში „იმედი Live” თბილისის საკრებულოს თავმჯდომარის მოადგილე ბექა დავითულიანმა.
მისი თქმით, ევროკავშირი საქართველოს მედიების დასანქცირების ენით ელაპარაკება, რაც დაუშვებელია.
„ჩვენ რომ ვხედავდეთ რა უნდა ევროკავშირის დღევანდელ მენეჯმენტს, რა გზით მიდის, რაღაცებში ასეთი ხისტი ჩვენც არ ვიქნებოდით. ჩვენ ვპასუხობთ ხომ?! ჩვენ ხომ არ ვართ აგრესიული ურთიერთობების ინიციატორები?! ჯერ ისინი გვიტევენ და ჩვენ საპასუხოდ ვუტევთ. მაგრამ რომ ვხედავდეთ, რომ ესენი რასაც გვეუბნებიან, სადღაც ბოლოში სინათლისკენ მიდის, რაღაც სტრატეგიას მიყვებიან კიდევ შეიძლება სხვა დამოკიდებულება გვქონდეს. მაგრამ ასე ტყუილად, კლასის დამრიგებელივით ყურს გიწევდნენ უმიზეზოდ, წარამარა და თან თვითონ არ იცოდნენ, რას გასწავლიან და შენ გასწავლიან და სხვას არა… ომები მიდის, ბავშვებს ხოცავენ და ამას ვერ ხედავენ და არ იმჩნევენ და უცებ შენთან მობრუნდებიან და აი, იქ რაღაც შეგეშალა. სიგიჟეა რაღაც.
ჩვენთან დამოკიდებულებაში უნდა შეიცვალონ პოზიცია, რომ რაც ეპატიება იუპიტერს, არ ეპატიება ხარს და ვინც ჩვენიანია ის იუპიტერია და თქვენ ჯერ ჩვენიანი არ ხართ. უნდა შეცვალონ კოლონიალისტური მიდგომა – ეს ერთი. და მეორე, უნდა გაიგონ, რა უნდათ. თავისი უგუნური პოლიტიკით მათ ევროპა გააქრეს გეოპოლიტიკური რუკიდან. მოთამაშე აღარ არის. სხდებიან დიდი ქვეყნები, ერთმანეთთან საუბრობენ და ამათ არც ეძახიან. ახლა მათ სურთ, რომ „შუა დერეფანში“ დაიჭირონ რაღაც პოზიცია და დაიჭირონ ვის ხარჯზე – საქართველოსა და სომხეთის. ხედავენ იქ რაღაც პრობლემებს. ხვდებიან, რომ ეს ჩვენს გარეშე ვერ გადაწყდება და უნდათ ჩაგვრით და პოლიტიკური შევიწროებით, არაფრის გადახდით მიიღონ რაღაც შედეგი. და ეგრე არ ხდება. ურთიერთობები არსებობს ორმხრივი და არსებობს, ნორმალური სახელმწიფოთაშორისი დამოკიდებულება – რაღაცას გთავაზობ და რაღაცას ვიღებ. არაფერს გთავაზობ და მომეცი – ასეთი დამოკიდებულება არ შეიძლება. მხოლოდ შანტაჟის გზით მიდიან“, – განაცხადა ბექა დავითულიანმა.