გაზეთი “ალია” პოლიტოლოგი შოთა აფხაიძის ინტერვიუს აქვეყნებს. აფხაიძის განცხადებით, 23 ივლისს, “ევროპული საქართველო”-ს მიერ დაგეგმილ აქციაზე შეიძლება სისხლისღვრა მოხდეს.
“- «ევროპული საქართველო», რამდენიმე სხვა პოლიტიკური პარტია, პოლიტიკოსები და როგორც ვიცი, არასამთავრობოების ნაწილი 23-ში აღმაშენებელზე «ქართული მარშის» ე.წ. კონტრ-აქციას გეგმავენ. თავად მარშის ორგანიზატორები მათთვის ხელის შეშლას აპირებენ – ამათ აღმაშენებელზე არ გავატარებთო, ამბობენ. არ არის გამორიცხული, რომ ასეთ შემთხვევაში საქმე ფიზიკურ დაპირისპირებამდეც მივიდეს. თქვენ რა ინფორმაცია გაქვთ?
– ჩვენი მხრიდან არანაირი ფიზიკური დაპირისპირება არ მოხდება, ეს გამორიცხულია, პირიქით, ერთ ინფორმაციას მოგაწვდით ახლა: რუსეთში მოღვაწე ქართველი ბიზნესმენების შარანგიების გარემოცვიდან, რომლებიც თავის დროზე სააკაშვილის «კასირები» იყვნენ, მომივიდა ინფორმაცია, რომ 23-ში ბოკერია გეგმავს სისხლის დაღვრას! ანუ ბოკერიას «ზონელები» და ყოფილი კუდ-ის თანამშრომლები ჰყავს მობილიზებული, რომ ამ აქციაზე, ამ სიტყვის პირდაპირი მნიშვნელობით, მოახდინონ გასროლა! მერე კი ეს ყველაფერი რომ დაბრალდეს კორკოტას, სანდრო ბრეგაძეს, სადღობელაშვილს, გიორგი ჭელიძეს და ა.შ. აქ არის ღირსების საკითხი, რა: დავით აღმაშენებლის გამზირზე არც თურქული პროსტიტუციის და არც არაბული ბორდელები არ უნდა იყოს და ვერც ბოკერია ვერ უნდა დადიოდეს მსვლელობით, ვერ უნდა ბედავდეს ამას! ამიტომ ბოკერია ვერ გაივლის იქ 23-ში, მაგრამ თუ რამე მოხდა იმ დღეს, თუ ვინმემ გაისროლა ან სისხლი დაღვარა, ეს იქნება უკვე გიგა ბოკერიას გაკეთებული! კიდევ ერთხელ წინასწარ ვაფრთხილებ ყველას: ბოკერიას დაგეგმილი აქვს 23-ში გა-სრო-ლა!” – აცხადებს აფხაიძე ინტერვიუში.