“ევროპული საქართველოს” წევრის ოთარ კახიძის გამოკითხვა დასრულდა. განყოფილებიდან გამოსულმა კახიძემ ჟურნალისტებს განუცხადა, რომ პოლიციას ამომწურავი ინფორმაცია მიაწოდა.
“პოლიციამ იმოქმედა კანონის შესაბამისად. შეადგინეს სამართალდარღვევის ოქმი. კანონი დავარღვიე და შესაბამისად ამას არ უარვყოფ. მე არ ვაპირებ სხვადასხვა ხერხებით თავის დაძვრენას და პასუხს ვაგებ იმ ქმედებაზე, რომელიც ჩავიდინე. კიდევ ერთხელ განვმარტავ, რომ აღნიშნული ქმედება არ იყო მიზანმიმართული. ეს ყველაფერი გამოიწვია ჩემმა დაუდევრობამ”, განაცხადა ოთარ კახიძემ.
სამართლებრივი პროცედურების თანახმად, აღნიშნულ საკითხთან დაკავშირებით ძველი თბილისის სამმართველო შესაბამის დოკუმენტებს სასამართლოს გადაუგზავნის. შემდეგ კი სასამართლო მიიღებს გადაწყვეტილებას, დეპუტატი ოთარ კახიძე მიიღებს სიტყვიერ გაფრთხილებას, თუ დაჯარიმდება ადმინისტრაციული ჯარიმით 500 ლარის ოდენობით.