უკრაინის სახელმწიფო საიმიგრაციო სამსახურში დაადასტურეს, რომ ოდესის ოლქის ყოფილმა გუბერნატორმა მიხეილ სააკაშვილმა უკრაინის მოქალაქეობა დაკარგა. ინფორმაციას უკრაინული მედია საიმიგრაციო სამსახურის წყაროებზე დაყრდნობით წერს.
უკრაინული მედია აღნიშნავს, რომ მოქალაქეობის დაკარგვის საფუძველი გახდა ის ფაქტი, რომ მიხეილ სააკაშვილმა უკრაინის მოქალაქეობა მოტყუების გზით მიიღო.
საზოგადოებრივი მაუწყებელი დაუკავშირდა უკრაინის მიგრაციის სამსახურს. როგორც მათ განაცხადეს, ცალკეულ პირებზე ინფორმაციის გაცემის უფლება არ აქვთ და აღნიშნეს, რომ უმჯობესი იქნება, დაველოდოთ ოფიციალურ განცხადებას.
კომენტარები