“ეს არის გზავნილი რუსეთის მხრიდან, რომ აგრძელებს ოკუპაციას”

შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი ოკუპირებულ აფხაზეთში პუტინის მოსალოდნელ ვიზიტს გამოეხმაურა.

მინისტრის თქმით, ოკუპირებულ აფხაზეთში პუტინის მოსალოდნელი ვიზიტის თარიღად 8 აგვისტო მოიაზრება, ეს არის სწორედ რუსული აგრესიისა და ოკუპაციის თარიღი, რაც შემთხვევითი არ გახლავთ.

„ეს არის ფაქტობრივად გზავნილი რუსეთის მხრიდან, რომ აგრძელებს ოკუპაციას და ამ ჭრილში განვიხილავ ვიზიტს. არ ვაპირებთ, არც ქართული სახელმწიფო და არც საზოგადოება შეეგუოს ოკუპაციას, ამ მხრივ  ძალიან სერიოზული საერთაშორისო მხარდაჭერა გვაქვს. აშშ-ის ვიცე-პრეზიდენტის ვიზიტი და მისი მხრიდან ნათქვამი ძალიან მკაფიო გზავნილები საქართველოს მხარდაჭერისა და ტერიტორიული მთლიანობის მიმართ,  გვაძლევს იმის საფუძველს, რომ ჩვენს მეგობრებთან ერთად გავაგრძელოთ მშვუდობიანი ბრძოლა კონფლიქტის დარეგულირებისა და ქვეყნის გაერთიანებისათვის, რომელიც ერთ-ერთი მთავარი ამოცანაა”, – აღნიშნა ციხელაშვილმა.