აშშ-ს პრეზიდენტი დონალდ ტრამპი ახალ კანონპროექტს წარადგენს, რომელიც ლეგალური მიგრანტების რაოდენობას წელიწადში ერთი მილიონიდან ხუთას ათასამდე შეამცირებს.
გასულ კვირას ოჰაიოს შტატში ამომრჩევლებთან შეხვედრისას დონალდ ტრამპმა განაცხადა, რომ კანონპროექტი დაბალი კვალიფიკაციის მიგრანტებს შეეხება.
კანონპროექტის თანახმად, აშშ-ში მიგრანტების ნათესავების შეშვება შეიზღუდება და „მწვანე ბარათის“ მიღების პროცედურა გართულდება.
„დღევანდელი დაბალი კვალიფიკაციის სამუშაო ძალის საიმიგრაციო სისტემის ნაცვლად, რომლის ფარგლებში ქვეყანაში ვისაც სურს შეუძლია შემოსვლა, ჩვენ გვსურს ახალი სისტემის შემოღება, რომელიც დაფუძნებული იქნება დამსახურებაზე და რომელიც დაიცავს ჩვენს მშრომელებს და ჩვენს ეკონომიკას“, – დასძინა ტრამპმა.
კომენტარები