“პატრიოტთა ალიანსის” წევრები რუს დეპუტატს არტემ კავინოვს საქართვეოლოში შეხვდნენ.
ამის შესახებ ინფორმაცია ექსკლუზიურად „პრაიმტაიმს“ ადა მარშანიამ დაუდასტურა.
ის არა აკონკრეტებს საკითხებს, რომელიც დეპუტატთან შეხვედრის დროს განიხილეს, თუმცა აღნიშნავს, რომ საკითხები საქართველოს პოლიტიკურ ინტერესებს უკავშირდებოდა.
ადა მარშანიას თქმით დეპუტატი საქართველოში საპატრიარქოს მოწვევით იმყოფება და მისი ვიზიტი არ უკავშირდება „პატრიოტთა ალიანსის“ წევრების მოწვევას.
“კავინოვმა ჯერ კიდევ რუსეთში ყოფნის დროს გვითხრა, რომ 2 აგვისტოს ილიაობაზე რომ აპირებდა საქართველოში ჩასვლას ჩვენი პატრიარქის უწმინდესი და უნეტარესის ანგელოზის დღეს. გვითხრა, რომ 2 აგვისტოს მიიღებდა ღონისძიებებში მონაწილეობას და აპირებდა ყაზბეგში ასვლას. ჩვენ მას შევხვდით, რატომ გავუშვებდით ამ საშუალებას, მით უმეტეს, რომ მისი სურვილიც იყო და ჩვენიც. იმის გამო, რომ სახელმწიფო სათათბიროს დეპუტატი საქართველოში ჩამოვიდა შევხვდით და ძალიან შინაარსიანი საუბარი გვქონდა, მაგრამ ეს არ არის დაკავშირებული ჩვენს დაპატიჯებასთან, ის დამოუკიდებლად ისედაც აპირებდა ჩამოსვლას, რაზეც გვითხრა კიდეც შეხვედრაზე. ვერ გეტვით რა საკითხები განვიხილეთ, დაკონკრეტება არ შემიძლია, მაგრამ ჩვენი ქვეყნისთვის სასიცოცხლოდ მნიშვნელოვან საკითხებზე ვისაუბრეთ“, – განუცხადა „პრაიმტაიმს“ ადა მარშანიამ.