უნგრეთის პარლამენტმა პრემიერ-მინისტრ პეტერ მადიარს საპარლამენტო იმუნიტეტი მოუხსნა. ინფორმაციას Euronews-ი ავრცელებს.
ტელეარხის ცნობით, ეს გადაწყვეტილება მის წინააღმდეგ სხვადასხვა სისხლის სამართლის საქმეზე გამოძიების დაწყების შესაძლებლობას იძლევა.
მადიარს იმუნიტეტი სავარაუდო ქურდობის ფაქტის გამოძიების ფარგლებში მოუხსნეს. ის თავად ითხოვდა იმუნიტეტის მოხსნას, რათა, მისი თქმით, „რეპუტაციის დისკრედიტაციისგან“ თავი აერიდებინა.
პროკურატურა ამტკიცებს, რომ 2024 წელს ღამის კლუბში ყოფნისას, მან ტელეფონი წაართვა მამაკაცს, რომელიც მას ვიდეოს უღებდა, შემდეგ კი მოწყობილობა მდინარე დუნაიში გადააგდო.
მადიარმა საქმეს „ფარსი“ უწოდა.
გარდა ამისა, დღევანდელ კენჭისყრაზე უნგრეთის პარლამენტმა ყოფილი პრემიერ-მინისტრის ვიქტორ ორბანის მმართველობის პერიოდში თანამდებობაზე მყოფ ორ ყოფილ მინისტრსაც მოუხსნა იმუნიტეტი. საუბარია კულტურის ყოფილი მინისტრზე ბალაშ ჰანკოზე და განვითარების ყოფილი მინისტრზე მიკლოშ სესტაკზე.
ორბანის მთავრობის ყოფილ მინისტრებს მილიონობით ევროს ოდენობის კორუფციაში ედებათ ბრალი. ორბანის პარტია „ფიდესმა“ და მისმა მოკავშირე „ქრისტიან-დემოკრატიულმა სახალხო პარტიამ“ კენჭისყრაში მონაწილეობაზე უარი განაცხადეს.