დიპლომატები კიევიდან საელჩოების გადატანის საკითხს განიხილავენ იმ შემთხვევაში, თუ რუსეთი დიპლომატიურ წარმომადგენლობებზე თავდასხმებს მიზანმიმართულად დაიწყებს. ინფორმაციას The Guardian-ი დიპლომატებთან პირად საუბრებზე დაყრდნობით ავრცელებს.
გამოცემის ცნობით, განიხილება გეგმები საელჩოების ლვოვსა და პოლონეთის აღმოსავლეთში გადატანის შესახებ.
ამასთან The Guardian-ი ამავე დიპლომატებზე დაყრდნობით წერს, რომ საჯარო განცხადებების თანახმად, უცხოელი დიპლომატები კიევში დარჩენას აპირებენ, რადგან დედაქალაქის დატოვება, მოსკოვისთვის პროპაგანდისტული გამარჯვება იქნება და შესაძლოა შექმნას შთაბეჭდილება, რომ უცხოელმა დიპლომატებმა უკრაინა დატოვეს.
კომენტარები