რუსეთის რიაზანის ოლქში დრონებით განხორციელებული თავდასხმის შედეგად „იანდექსის“ მონაცემთა ცენტრი დაზიანდა. ინფორმაციას უკრაინული მედია ავრცელებს.
მედიის ცნობით, თავდასხმის შემდეგ სამრეწველო ობიექტის ტერიტორიაზე ძლიერი ხანძარი გაჩნდა.
როგორც უკრაინული მედია იუწყება, სამიზნე შესაძლოა რიაზანთან ახლოს ქალაქ სასოვოში მდებარე Yandex DC Sasovo ყოფილიყო. თავად „იანდექსი“ აღნიშნულ ობიექტს კომპანიის მონაცემთა ყველაზე დიდ ცენტრს უწოდებს.
„იანდექსმა“ დაადასტურა, რომ მონაცემთა ცენტრის ru-central1-b ზონაში ტექნიკური ინციდენტი და ელექტროენერგიის მიწოდების პრობლემა დაფიქსირდა. კომპანიის ინფორმაციით, შეფერხებები დაახლოებით ღამის 1:31 საათზე დაიწყო და დაახლოებით 40 წუთის შემდეგ პრობლემა კვლავ მოუგვარებელი იყო.
ამასთან, კომპანიას ინციდენტი ოფიციალურად დრონებით თავდასხმასთან არ დაუკავშირებია.