უნგრეთის პარლამენტმა ბავშვთა დაცვის შესახებ კანონში ცვლილებების შეტანას მისცა ხმა, რითაც 2021 წელს ვიქტორ ორბანის პრემიერობის დროს მიღებული ანტი-LGBTQკანონები გაუქმდა. კანონპროექტს მხარი 139-მა დეპუტატმა დაუჭირა, 51 კი მის წინააღმდეგ წავიდა.
მედიის ცნობით, ბავშვებისთვის ხელმისაწვდომ კონტენტში სექსუალური და გენდერული მრავალფეროვნების „გამოსახვის“ ან „პროპაგანდის“ აკრძალვის ნაცვლად, ახალი კანონი 18 წლამდე ასაკის პირებს იმ მასალისგან დაიცავს, რომელმაც შეიძლება „სერიოზულად დააზიანოს ბავშვის ფიზიკური, ინტელექტუალური, ემოციური ან მორალური განვითარება“.
უნგრეთის პრემიერ-მინისტრის, პეტერ მადიარის განცხადებით, ეს ცვლილებები უნგრეთს ევროკავშირის ნორმებთან შესაბამისობაში მოიყვანს მას შემდეგ, რაც ვიქტორ ორბანის დროს დაწესებული შეზღუდვები ევროკავშირის ღირებულებებს ეწინააღმდეგებოდა.
ამასთან, ცნობილი გახდა, რომ პარლამენტში კენჭისყრიდან რამდენიმე წუთში ბუდაპეშტმა ევროკავშირისგან მიიღო თანხმობა ფონდებში გაყინული 4.2 მილიარდი ევროს მიღებაზე.
ცნობისთვის, უნგრეთში 2021 წელს ბავშვთა დაცვის შესახებ კანონი, რომელიც მაშინდელი პრემიერ-მინისტრის, ვიქტორ ორბანის პარტია „ფიდესმა“ დიდი უმრავლესობით მიიღო „ჰომოსექსუალობისან ტრანსგენდერიზმის წარმოჩენას ან პოპულარიზაციას“ კრძალავდა.