ჯორჯთაუნის უნივერსიტეტის პროფესორმა, 2014-2017 წლებში თეთრი სახლის საგარეო ურთიერთობების საბჭოს უფროსმა ექსპერტმა და აშშ-ის ეროვნული უშიშროების საბჭოს ყოფილმა წევრმა ჩარლზ კუპჩანმა „ამერიკის ხმასთან“ ინტერვიუში 2008 წლის აგვისტოს ომი შეაფასა და განაცხადა, რომ ეს მიხეილ სააკაშვილსა და რუსეთის მთავრობას შორის მზარდი რიტორიკის შედეგი იყო.
საერთაშორისო ექსპერტის თქმით, 2008 წლის აგვისტოს ომით რუსეთმა კიდევ ერთხელ მოახდინა საკუთარი ძალის დემონსტრირება ე.წ. ახლო სამეზობლოს გასაკონტროლებლად.
„ვფიქრობ, 2008 წლის ომით რუსეთმა სამხედრო ძლიერება და ძალდატანება აჩვენა, რათა განევრცო და შეენარჩუნებინა გავლენა ე.წ. ახლო სამეზობლოზე. ეს კონკრეტული შემთხვევა კი საქართველოს მაშინდელი პრეზიდენტს – მიხეილ სააკაშვილსა და რუსეთის მთავრობას შორის მზარდი რიტორიკის პროდუქტი იყო. არაერთის აზრით, რუსეთი საქართველომ წააქეზა საკუთარი სამხედრო მოქმედებით და მუქარით სამხრეთ ოსეთისადმი, მაგრამ ზოგადად, ეს იყო რუსეთის მხრიდან კიდევ ერთხელ საკუთარი ძალის დემონსტრირება ე.წ. ახლო სამეზობლოს გასაკონტროლებლად”,- განაცხადა ჩარლზ კუპჩანმა.