„ბატონო ოთარ, მინდა ელემენტარული რჩევა მოგცეთ, გაერკვიეთ კრიზისების მართვის საბჭოს ფუნქციებში, ინსტრუქციებში, გეგმებში, ცოტა კვალიფიკაზიაზეც იზრუნეთ და ამის შემდეგ სიამოვნებით მივიღებთ კრიტიკას“, – ასე მიმართა საპარლამენტო უმრავლესობის წევრმა ირაკლი სესიაშვილმა საპარალამენტო უმცირესობის წარმომადგენელ ოთარ კახიძეს პარლამენტის პლენარულ სხდომაზე, სიტყვით გამოსვლისას, რა დროსაც ოთარ კახიძემ კრიზისების მართვის საბჭოს სისტემა გააკრტიკა.
„ბატონო ოთარ, გისმენდით და მართლა ცდილობთ, რომ იყოთ კრიტიკული, რამდენად გამოგდით ეს სხვა საკითხია.
მიუხედავად იმისა, რომ პრემიერის ხელმძღვანელობით, მაქსიმალურად მთელი კოორდინაციით იყო მობილიზებული ჩვენი ქვეყნის რესურსები იმისთვის, რომ მართლაც ძალიან საშიშ, ბუნებრივ გამოწვევას გავმკლავებოდით, თქვენ უსაფუძლო კრიტიკით ცდილობთ დააკნინოთ ის სახელმწიფო უწყებები და ის ინსტიტუტები, რომლებიც რეალურად არიან ამ ქვეყანაში მსგავსი ტიპის კრიზისების დასაძლევად შექმნილი. მე მინდა, რომ ელემენტარული რჩევა მოგცეთ, გაერკვიეთ კრიზისების მართვის საბჭოს ფუნქციებში, მათ ინსტრუქციებში, იმ გეგმებში, რომელიც ამ უწყებას გააჩნია და მეტსაც გირჩევთ, რომ იქნებ ერთხელ, კეთილი ინებოთ და მიბრძანდეთ, დეპუტატი ბრძანდებით და გაქვთ ამის უფლება. ამ საბჭოს ჩამოყალიბების პირველივე დღიდან ჩართული ვიყავი პროცესში და შესაბამისად, მაქვს პატივი გითხრათ, რომ მართლაც ერთ-ერთი საუკეთესო სისტემა ყალიბდება. იმის ნაცვლად ყველამ ერთად ვიზრუნოთ იმაზე, რომ ამ სისტემის რეპუტაციასა და მის მოქმედებას ხელი შევუწყოთ, უსაფუძლოდ ხდება თქვენი მხრიდან კრიტიკა, რაც, რა თქმა უნდა, მისასალმებელი არ არის. ამიტომ გირჩევთ, გაერკვიეთ ელემენტარულ ფუნქციებში, ცოტა კვალიფიკაციაზეც იზრუნეთ და ამის შემდეგ კრიტიკას სიამოვნებით მივიღებთ“, – განაცხადა სესიაშვილმა.