ირაკლი კობახიძემ გენერალურ აუდიტორად ირაკლი მექვაბიშვილის კანდიდატურა დაასახელა. განცხადება საქართველოს პარლამენტის თავმჯდომარემ რამდენიმე წუთის წინ გააკეთა და მექვაბიშვილს წარმატება უსურვა. მექვაბიშვილი ევროპის რეკონსტრუქციისა და განვითარების ბანკის (EBRD) მთავარი ბანკირია.
სახელმწიფო აუდიტის სამსახურის ხელმძღვანელის კანდიდატურის დასახელება პარლამენტის თავმჯდომარის პრეროგატივაა. გენერალურ აუდიტორს პარლამენტი, პარლამენტის თავმჯდომარის წარდგინებით, სიითი შემადგენლობის უმრავლესობით, 5-წლის ვადით ირჩევს.
საკანონმდებლო ორგანო ირაკლი მექვაბიშვილს თანამდებობაზე 20 სექტემბრის პლენარულ სხდომაზე დაამტკიცებს.
სახელმწიფო აუდიტის სამსახურის ყოფილ ხელმძღვანელს, ლაშა თორდიას უფლებამოსილება მიმდინარე წლის 25 ივლისს ამოეწურა. აუდიტის ხელმძღვანელის მოვალეობას ნინო ლომჯარია ასრულებს.