საქართველოს ყოფილი პრეზიდენტის, მიხეილ სააკაშვილის დასახვედრად უკრაინაში ”ნაციონალური მოძრაობიდან” ხატია დეკანოიძე გაემგზავრა.
როგორც ”ინტერპრესნიუსს” პარტიაში განუცხადეს, ამ ეტაპზე უკრაინაში გამგზავრებას სხვა არავინ გეგმავს, თუმცა პარტიაში არ გამორიცხავენ, რომ სიტუაციის შესაბამისად, პარტიის წევრებმა გადაწყვეტილება შეცვალონ და უკრაინაში ჩავიდნენ.
რაც შეეხება ხატია დეკანოიძეს, ის უკვე უკრაინაში იმყოფება და ხვალ საღამოს ლვოვში ჩავა, სადაც 10 სექტემბერს საქართველოს ყოფილი პრეზიდენტის ჩასვლას დაელოდება.
შეგახსენებთ, რომ მიხეილ სააკაშვილს უკრაინის მოქალაქეობა შეჩერებული აქვს, თუმცა ის ქვეყანაში ჩასვლას 10 სექტემბერს გეგმავს. ამასთან, საქართველო სააკაშვილის დაკავებას და სამშობლოში მის ექსტრადირებას ითხოვს.
კომენტარები