ვარშავაში გამართულ ბრიფინგზე მიხეილ სააკაშვილმა განაცხადა, რომ მას უკრაინაში ლეგალურად შეუძლია დაბრუნდეს. სააკაშვილმა განაცხადა, რომ ის საზღვარზე ადგილობრივი დროით 14 საათზე იქნება მხარდამჭერებთან და დეპუტატებთან ერთად და უკრაინის პასპორტით საზღვარს გადაკვეთს. სააკაშვილი ყველას საზღვარზე ელოდება:
“მე ამ პასპორტის ამაყი მფლობელი ვარ. დიდი ხანი ველოდებოდი მის მიღებას. მე ისე რთულად მივიღე ის, რომ მისი დაბრუნება არ მსურს…პასპორტი სათამაშო არ არის, რომ ბატონმა მოგვცეს და მერე წაგვართვას. მე მივალ საზღვარზე ჯერ ჯერობით ეს პასპორტი ისევ მე მაქვს. ამ პასპორტით დავტოვე მე აშშ-ს ტერიტორია და შემოვედი ევროპაში, ვიყავი ბევრ ქვეყანაში და არსად პრობლემა არ შემქმნია”. აცხადებს სააკაშვილი. მისივე თქმით ყველა არ აღიარებს უკრაინის ხელისუფლების ნახევრადდიქტატურას და სრულ დიქტატურას:
“ასე იყო საბჭოთა კავშირის დროს. ასე მოექცნენ რასტრაპოვიჩს და ვიშნევსკის. ეს იყო გასულ საუკუნეში. დანაშაულებრივ საბჭოთა კავშირში, ახლა ჩვენ პოსტ მაიდნის უკრაინაზე ვსაუბრობთ” განაცხადა სააკაშვილმა ვარშავაში გამართულ ბრიფინგზე.