გუდაურის შემთხვევასთან დაკავშირებით, ვფიქრობ, სხვებთან ერთად, დივერსიის ვერსიაც სერიოზულადაა გამოსაძიებელი, – ამის შესახებ “ევროპული საქართველოს” ერთ-ერთი ლიდერი გივი თარგამაძე სოციალურ ქსელში წერს.
“გუდაურის შემთხვევასთან დაკავშირებით, ვფიქრობ, სხვებთან ერთად, დივერსიის ვერსიაც სერიოზულადაა გამოსაძიებელი. არც პარანოია მაქვს, არც რამეს ვიჩემებ. საქმე გვაქვს მაგ სფეროში წამყვანი მწარმოებლის საუკეთესო მოდელის სავსებით ახალ მექანიზმთან, რომელსაც აქვს უმაღლესი კატეგორიის დაცვა, ხუთი სამუხრუჭე სისტემა – სამი ელექტეონული, ორი – მექანიკური. და არცერთმა არ იმუშავა. რომ წრმოიდგინოთ – პროგრამა აირია, ერთი გაითიშა – მეორე ირთვება, მერე მესამე. ვთქვათ, საერთოდ დაეკიდა პროგრამა, ტვინი გაითიშა – შემდეგ მოდის მექანიკური მუხრუჭი, რომელიც, თუ მოწყდა, მეორე მექანიკური მუხრუჭი აზღვევს. აი ამ ყველა კომპონენტიდან არცერთმა რატომ არ იმუშავა, ესაა დასადგენი. დივერსიის აზრი მარტივადაა გასაგები – დარჩები მხოლოდ რუსი ტურისტების ამარა. უსაფრთხოების სისტემის დღევანდელი ჩამოშლის ფონზე წარმოუდგენელი სულაც არაა. ბუნებრივია, ეს ვერსია არ უნდა იქცეს კონკრეტული ადამიანების დანაშაულის დაფარვის მექანიზმად. მთლად სისულელეა სამთავრობო მედიის ხაზი, რომ ასეთი შემთხვევები სხვაგანაც ხდება და რას იზამ. ასევე იმაზე საუბარი, რომ პასუხისმგებელი პირები კარგი ტიპები არიან და არ უნდა გავწიროთ. მოკლედ, ცივილიზებულ ქვეყანაში გამოძიება ყველა მიმართულებას ამოწურავდა. რა იქნება აქ – გლუვმა უწყის…” – წერს გივი თარგამაძე Facebook-ში.
გივი თარგამაძე: გუდაურის შემთხვევაზე დივერსიის ვერსიაც სერიოზულადაა გამოსაძიებელი
2018/03/16 23:30:23
კომენტარები
ნანახია: 1375 ჯერ